Denok dakigun moduan,
aste honetan Maria Haurraren eguna ospatzen dugu Juana de Lestonnac-ek erabaki
zuelako bera izango zela gure eredu. Jesusen amak gauza asko irakatsi zizkigun
bere bizitzan zehar, eta horregatik bera hartzen dugu askotan pertsona ona
izatearen eredu gisa.
Aurtengo leloari kasu egiten badiogu, ikusiko dugu gure asmoa denek bat egitea dela. Baino zuen buruei galdetuko diezue, zer da bat egitea? Hori bai galdera zaila! Ba benetan horren inguruan pentsatzen badugu, konturatuko gara denek primeran dakigula bat egiten edo elkarrekin lan egiten.
Askotan gelan gaudenean
irakasleok txokoetan jartzen zaituztegu lan egiteko. Baino horrek ez du esan
nahi talde lana denik; askotan kopiatzen dugulako, edo kasurik egiten ez
dugulako, haserretzen garelako… Zuen ustez, zer da benetako talde lana ala
elkarlana? Zer egin behar dugu ondo funtzionatzeko?
Konturatuko zarete
taldean lan egiten dugunean gauzak askoz hobeto ateratzen direla. Batzuetan
elkar-ulertzea kostatzen zaigu; baino hitz eginez gero, dena konpontzen da.
Badago esaera polit bat “bi buruk, bat baino gehiago pentsatzen dutela” esaten
duena. Eta hauxe, egia da. Guztiok zerbait aportatzen badugu, gure lana askoz
ere aberatsagoa izango da.
Gainera, seguru gaude
munduko gauza asko aldatu nahi ditugula; adibidez: pobrezia, desberdintasunak,
eskubide ezak… Eta horretarako, denek bat egin behar dugu. Bakarka ezingo
genuke mundua aldatu, baino gure ingurukoekin elkartzen bagoaz, azkenean
zerbait lortuko dugu.
Beraz, Maria haurraren
pausuak jarraitzen baditugu eta denak elkarlanean bagabiltza, mundua leku hobea
izatea lortuko dugu.
No hay comentarios:
Publicar un comentario