Ilusioa
Hemen gaude berriro ere ikasturte
berri batean. Bi hilabetez deskantsatzen eta deskonektatzen egon gara. Eta orain
iritsi zaigu lanera itzultzeko garaia. Lagunekin topo egin dugu eta oporretan
gertatutakoak kontatu dizkiegu. Badaramazkigu aste pare bat martxan jartzen,
eta dagoeneko prest gaude ikasturteari hasiera bat emateko.
Aurreko asteetan zuen tutoreek aurtengo
leloa aurkeztuko zizueten. Horretarako puxiken inguruko ipuin bat entzungo
zenuten, eta dagoeneko El Pilarreko gela guztiak asmo onez beteriko puxikez
beterik daude.
Bertan idatzitako mezuak eta asmo
onak, espero dugu ikasturte osorako irautea. Denak martxan jartzeko ilusioz
beterik gaude. Jende berria ezagutzeko gogoz; eta ikasteko grinaz beterik. Goazen
ba ipuinean bezala, ilusioz hastera. Bete dezagun eskola asmo onez. Askotan esan
dizuegun bezala, eskolara ez gara bakarrik 2+2 zenbat den ikastera. Garrantzitsua
da pertsona onak izaten ikastea eta elkar errespetatzea.
Beraz,
ongietorriak kolorez eta asmo onez beteriko ikasturte berri honetara. Hasi gaitezen
ikasturtea ilusioz beterik!!!
No hay comentarios:
Publicar un comentario